-->
U3F1ZWV6ZTM5NjAxOTExNzI1X0FjdGl2YXRpb240NDg2MzUwMjA3OTY=
recent
أخبار ساخنة

منتجات استخدمتها خلال السنه الأولي لبنتي - ريفيو عن بعض منتجات الأطفال

منتجات استخدمتها خلال السنه الأولي لبنتي - ريفيو عن بعض منتجات الأطفال

منتجات استخدمتها خلال السنه الأولي لبنتي - ريفيو عن بعض منتجات الأطفال

رأيي في منتجات جونسون

رأيي في منتجات جونسون للأطفال

١-الشامبو والبسلم

شامبو جونسون بينشف شعر الطفل اوي ومع الوقت بيغير ملمسه وطبيعته عشان في كيماويات ،لازم تستخدمي معاه البسلم كل مرة عشان يطري شعر طفلك، ومع ذلك انا مرشحهاش لحد يستخدمها.

٢-بودرة جونسون 

بصراحة أنا جبتها ومستخدمتهاش لبنتي لان كان في مادة كدة فيها بتسبب سرطان ،هما اكيد شالوها بس انا محتجتش استخدمها لبنتي خالص ومركونة عندي يعني يستحسن متجبيهاش.

٣-شاور اللافندر

انا حبيت ريحته جدا ، وكنت بحسه بيهدي بنتي ويساعدها انها تنام ،الشاور دة انا استخدمته ومازلت بستخدمه لان بنتي اتعودت علي ريحته ،انصحك تجربيه.

رأيي في منتجات سانوسان 

رأيي في منتجات سانوسان للأطفال

١-شامبو وشاور ٢ في ١

دة من المنتجات الحلوة وكمان ريحته خفيفه ولطيفة بس كنت بحسه بينشف شعر بنتي شوية فخلصته ومكررتهوش قولت اجرب منتج تاني.

٢-زيت سانوسان 

من المنتجات الحلوة جدا، وريحته حلوة مش تقيلة والجسم بيمتصه ومش بيسيب أثر دهني خالص، انا حبيت المنتج دة جدا وكمان بيقعد كتير اوي ،انصحك تجبيه لانه افضل من زيت جونسون .


رأيي في منتجات بندولين 

رأيي في منتجات بندولين للأطفال

١-الشامبو

مكوناته طبيعيه (مفهوش مادة الصوديوم لوريل سلفات) وفعلا بيطري الشعر جدا مش بحتاج استخدم معاه لبنتي أي منتج تاني، بقالي فترة بستخدمه وحبيته وكمان ريحته حلوة، انصحك تجبيه لطفلك.


٢-كريم بندولين الكيرلي بزبدة الشيا 

بصراحة أنا جبته لنفسي ، كان تقيل اوي علي شعري وبيلذق الشعر اوي محبتهوش خالص مع أن كان عليه ريفيوهات حلوة اوي . لو شعرك ناعم ودهني زيي يبقي بلاش جيبي منتج تاني يكون أخف شوية .


رأيي في كريمات التسلخات للأطفال 

أفضل كريمات لعلاج التسلخات للأطفال من عمر يوم

١-السودو كريم 

هو مستورد بس بصراحة الكريم دة فظيع مينفعش اي ام متجبهوش ، انا بنصحك تجبيه وتستخدميه كوقاية لطفلك ومش كل مرة تغيري البامبرز لطفلك تحطيله منه ، يعني ممكن مرة أو اتنين في اليوم فعلا مش هتلاقي تسلخات ان شاء الله وبيقعد كتير برضو.

٢-بيبانثن كريم 

الكريم دة مستورد برضو بس لو طفلك عنده تسلخات مهما كانت شدتها حطي من الكريم دة تاني يوم مش هتلاقي تسلخات هتخف بنسبه ٨٠٪ ، انصحك تجبيه برضو لو تقدري.

٣-ميبو كريم

طبعا لو مش متاح عندك تجبيي بيبانثن كريم اكتفي انك تشتري السودو كريم مع الميبو وحطيهم بالتبادل برضو التسلخات هتختفي في وقت قليل .

الخلاصة 

١-استخدمي بيبانثن كريم بس لوحدة للتسلخات الشديدة .
٢-السودو كريم مع ميبو بالتبادل .
وانسي التسلخات فعلا وعن تجربه.

ليست هناك تعليقات
إرسال تعليق

إرسال تعليق

الاسمبريد إلكترونيرسالة