-->
U3F1ZWV6ZTM5NjAxOTExNzI1X0FjdGl2YXRpb240NDg2MzUwMjA3OTY=
recent
أخبار ساخنة

نصائح مجربة لكل واحدة حامل وقربت تولد عن الرضاعة الطبيعية

نصائح مجربة لكل واحدة حامل وقربت تولد عن الرضاعة الطبيعية


١٣ نصيحة مجربة لكل واحدة حامل وقربت تولد عن الرضاعة الطبيعية 


١-اول ما توصلي للشهر الثامن، تبدئي تستخدمي كريم بانثينول أو سانوسان وتبدئي تدلكي الحلمات  بتزودي الوقت كل ما تقربي للولادة استعداد للرضاعة ،طبعا الموضوع دة بيفرق جدا علشان تتجنبي مشكلة تشقق الحلمات .
٢-لازم تستخدمي الفيتامينات اللي كنتي بتستخدميها أثناء الحمل الحديد اول ثلاثة شهور والكالسيوم طول فترة الرضاعة لحد ماتفطمي.
٣-من الحاجات اللي هتنفعك جدا ساتر الرضاعة من اول يوم.
٤-اول ماتفوقي كدة من البنج ، ضروري جدا يبدأ التلامس بينك وبين طفلك وتحاولي ترضعيه وبلاش لا جلوكوز ولا أعشاب ،لبن السرسوب كافي جدا لطفلك.
٤-الرضاعة الطبيعية بدون اي اكل او اعشاب لمدة ٦ شهور .
٥-تنظيم الرضاعة مهم جدا ومن الاول لازم يبقي في فاصل بين الرضعات في الاول ساعة وبعد اول شهر ساعتين بين كل رضعة عشان تساعدي طفلك أنه ميتعبش من المغص.
٦-بالنسبة ليكي يامامي لازم تشربي سوايل دافية كتير اوي خصوصا الحلبه واعشاب مخصوصة لزيادة اللبن  مع برشام يزود اللبن زي هيربانا مع أكل صحي طبعا خضار وفاكهه.
٧-لازم تشربي لبن مش اقل من ٣ مرات في اليوم ويفضل سادة ولو عايزة نسكافيه يبقي ياريت في اول اليوم علشان ميأثرش علي نوم طفلك
٨-من اهم فوايد الرضاعه الطبيعيه لطفلك المناعة وليكي أنه بيساعدك أن الرحم يرجع لوضعه الطبيعي بعد الولادة بشكل أسرع.
٩-أتعلمي الوضع الصحيح للرضاعة الطبيعية عشان لا انتي ولا طفلك تتعبوا.
١٠-مع زيادة الطلب هيزيد العرض
١١- بتساعد أن طفلك يخف من الصفراء لأنها العلاج الوحيد .
١٢-الطفل اللي بيرضع طبيعي ممكن ياخد فيتامينات من الشهر الرابع لكن اللي بيرضع فورميلا ممكن يحتاج من الشهر السادس .
١٣-بصي مرحلة نزول اللبن صعبة بس مبتاخدش وقت كتير وشوية هتبقي زي الفل والرضاعة الطبيعية مريحة ليكي اوي فنصيحتي ليكي اوعي تيأسي وحاولي كتير.


المصدر
خبرات الماميز 


ليست هناك تعليقات
إرسال تعليق

إرسال تعليق

الاسمبريد إلكترونيرسالة