-->
U3F1ZWV6ZTM5NjAxOTExNzI1X0FjdGl2YXRpb240NDg2MzUwMjA3OTY=
recent
أخبار ساخنة

ليه بنتخن بعد أنقطاع الدورة الشهرية؟

ليه بنتخن بعد أنقطاع الدورة الشهرية؟



ليه بنتخن بعد أنقطاع الدورة الشهرية؟

أحد التغيرات التي تحدث لجسم المرأة بعد أن قطاع الدورة الشهرية هو التغير في الميتابوليزم


بمعني ان جسم السيده بتتغير في استهلاكه للطاقه و في تمثيل الغذاء. و يظهر هذا عاده في زياده وزن السيده بعد انقطاع الدوره. و نلاحظ أن سيدات عده يشتكوا من زياده وزنهم و القول الثائر عندهم انهم لم يغيروا طريقه أو كميه أو نوعيه اكلهم.

طيب نفسر ازاي ان وزنهم بيزيد مع نفس نوع و طبيعه و كميه الاكل!!؟؟

 الاجابه ان جسمهم قد تغير في استخدام الاكل و تمثيله. الهرمونات اللي بتشغل المحرك بتاع طاقه الجسم قلت وده ادي الي تخزين طاقه الاكل في الجسم في شكل دهنيات تحت الجلد و حوالين البطن. ينتج عن ذلك زياده الوزن، زياده محيط الساقين و الرجلين و بالذات زياده محيط البطن.

 اي زياده في وزن السيده في اي وقت من سنها، له تأثير نفسي كبير عليهم. طب الحل ايه!!؟؟

 نرجع للمبادئ الاساسيه:
أولا تقليل السعرات الحراريه(يعني تاكل سلطات و خضار و بروتين كتير) و تقلل الكارب(رز، مكرونه، محشي، عيش، معجنات، بيتزا، بطاطس، الخ..الخ).

ثانيا تغير نوعيه الاكل مهم جدا،و تقليل كميه الاكل مهم جدا و ب الذات لو حركه السيده بتقل عشان ركبها و ضهرها بيوجعوها. 

ثالثا الشي المهم هو زياده الحركه عشان نصرف سعرات حرارية اكتر ودة من خلال عمل أحدي هذه الأشياء :

 ١-مش لازم تقوم تجري من الهرم لمصر الجديده، لاكن طلوع دورين سلم مرتين في اليوم و نزوله تبقي حركه كويسه.

٢- تمشي مشي عادي لمده عشرين دقيقه ٣ مرات في الاسبوع، حاجه كويسه.

٣-عمل تمرينات الصباح مع اي برنامج تليفزيوني، برضه ماشي، و هكذا. 

٤-أخيرا لو الركب و الضهر فيهم مشاكل طبيه، يبقي نزول حمام السباحة يبقي احسن حاجه، لأن الميه هاتشيل وزنك و مش هيبقي في اي ضغط علي ركبتيك و لا ضهرك و فيه تمارين كتير تتعمل في الميه، و مدربين حمامات السباحه و العلاج الطبيعي ها يساعدوا قوي في الموضوع ده.



المصدر
د/صبري عوض
استاذ مساعد كليه الطب جامعه ادمنتون، كندا
ليست هناك تعليقات
إرسال تعليق

إرسال تعليق

الاسمبريد إلكترونيرسالة