-->
U3F1ZWV6ZTM5NjAxOTExNzI1X0FjdGl2YXRpb240NDg2MzUwMjA3OTY=
recent
أخبار ساخنة

جهازك المناعي هو خط دفاعك الاول للقضاء علي فيروس كورونا الجديد

جهازك المناعي هو  خط دفاعك الاول للقضاء علي فيروس كورونا الجديد

جهازك المناعي هو  خط دفاعك الاول للقضاء علي فيروسكورونا الجديد


أولا لازم نظام غذائي متوازن طيب يعني ايه؟ هناكل ايه ؟

١-اول ما نصحا من النوم ، معلقة عسل أبيض وعصير ليمونة علي كوباية مايه دافية ونشربها بتقوي جدا جهاز المناعة . بس مرضي السكر بلاش عسل أبيض لانه بيعلي السكر.

٢- البليلة مفيدة اوي 

٣-المكسرات طبعا وخصوصا اللوز 

٤- الفواكه زي الجوافة عاليه جدا في فيتامين سي ، البرتقال واليوسفي، الكيوي، التوت البري والأفاكودا .

٥- الورقيات زي الجرجير والبقدونس .


٦-بعض انواع الخضار زي الفلفل بكل أنواعه ، البنجر ،البصل ،التوم.

٧-المأكولات البحرية غنية بالأوميجا.

٨-طبق السلطة معاك علي كل وجبة وياريت عليه عصير ليمون بيقوي جدا من جهاز المناعة.

٩-لو بتاخد مكملات غذائية لاي سبب، كمل عليها مش هتضرك بالعكس هتفيدك. زي مثلا لو عندك نقص في فيتامين د لازم تاخد الفيتامين بالجرعة اللي هيحددها دكتورك.  بس معلش محدش ياخد اي مكملات غذائية من نفسه لو الدكتور موصفهاش ولكن اهتم انك تاكل نظام غذائي متوازن.


ثانيا النوم لفترة لا تقل عن ٧ ساعات.

ثالثا الرياضة ، نعمل تمارين بسيطة في البيت أو نمشي حتي  جوا البيت اي رياضة خفيفة لمدة لا تقل عن ربع ساعة.

رابعا نبعد خالص عن التوتر والقلق والتشائم  ونرضا ونتقبل الوضع الحالي وربنا يحوش عننا وباء الكورونا.

خامسا نحاول نضحك علي الأقل ربع ساعه يوميا دة بيساعد جدا علي تقوية جهاز المناعة .


سادسا المدخنين يحاولوا يبتعدوا عن التدخين لان الفيروس بيأثر علي الجهاز التنفسي والتدخين عموما بيأذي الرئتين.

سابعا الناس اللي بتشرب الكحوليات، ياريت نقللها خالص برضو هتضرك مش هتفيدك.

الوقت دة محتاجين نقوي جهازنا المناعي، عشان مناعتك هيا الجيش وسلاحك الوحيد اللي هينفعك في وقت إصابتك بفيروس كورونا الجديد وربنا يشيل عنا وباء الكورونا 

ليست هناك تعليقات
إرسال تعليق

إرسال تعليق

الاسمبريد إلكترونيرسالة