-->
U3F1ZWV6ZTM5NjAxOTExNzI1X0FjdGl2YXRpb240NDg2MzUwMjA3OTY=
recent
أخبار ساخنة

التشخيص المبكر لسرطان الرحم

التشخيص المبكر لسرطان الرحم

التشخيص المبكر لسرطان الرحم


سرطان الرحم لحسن الحظ مش منتشر قوي.
 هل ممكن نشخصه بدري؟ 
مش بسهوله، لأن أعراضه غير محدده. أعراضه باختصار شديد هي اضراب في الدم النازل علي الست. 

لكن نقدر نحط خيوط عريضه للتشخيس المبكر. هذه الخيوط هتكون علي ٤ محاور: 
١-السن
٢- الوزن
٣-الضغط 
٤-الادوية

أولا السن: 

سرطان الرحم بيتركز حول سن انقطاع الدوره. بعض المراجع تذكر انه ينحصر بين سن ٤٠ الي ٦٠. هذا لا يعني أنه مش ممكن انه يحدث في سن ٣٠ سنه، لكن نادر قوي.

ثانيا الوزن: 

فيه علاقه وثيقه بين وزنك و احتمال حدوث هذا المرض. كل ما الوزن زاد عن الوزن المثالي، كل ما زاد احتمال هذا المرض. لذلك، تقليل الوزن و الحفاظ علي الوزن المثالي، مهم جدا لمنع أو الوقايه من سرطان الرحم.

ثالثا الضغط:

 الحاله الصحيه العامه مهمه قوي برضه. في علاقه احصائيه بين ارتفاع ضغط الدم و مرض سكر الدم و حدوث سرطان الرحم. كل ما كانت صحتك كويسه و ما فيش مشاكل صحيه مزمنه مثل ضغط الدم أو السكر، كل ما كانت احتمالات المرض اقل. برضه فيه علاقه ضعيفه بين سرطان القولون/الشرج/الصدر و الرحم.

اخيرا الادويه: 

في الغالب استخدام هرمون الاستروجين لمده طويله؛ بدون استخدام البروجيستيرون و في وجود الرحم (يعني لم يستاءصل جراحيا) سوف يؤدي الي سرطان الرحم. عشان كده؛ لو هاتستخدمي استروجين و الرحم موجود؛ لازم تاخدي معاه بروجيستيرون لحمايه الرحم و منع السرطان فيه. 
الدواء الآخر هو التاموكسافين الذي يستخدم لعلاج سرطان الثدي، برضه له علاقه احصائيه بحدوث سرطان الرحم. لو هاتستخدمي هذا العلاج، يبقي لازم تعملي سونار علي الرحم كل ٦ شهور عشان نطمن علي جدار الرحم.

الطبيب المعالج ممكن يعطيكي ارشادات اخري.

المصدر
د/صبري عوض
استاذ مساعد كليه الطب جامعه ادمنتون، كندا

ليست هناك تعليقات
إرسال تعليق

إرسال تعليق

الاسمبريد إلكترونيرسالة